Туроператор мен турагенттің АҚЖ міндетті сақтандыру

Туроператор мен турагенттің АҚЖ міндетті сақтандыру

Туроператор мен турагенттің АҚЖ міндетті сақтандыру

Сақтандырудың негізгі мақсаты

Туроператор мен турагенттің азаматтық-құқықтық жауапкершілігін міндетті сақтандырудың негізгі міндеттері:

• Заңда белгіленген көлемде және тәртіппен туристің мүліктік және (немесе) өзге де мүдделерін қорғауды қамтамасыз ету;
• туроператор мен турагенттің өз қызметін туроператор мен турагенттің азаматтық-құқықтық жауапкершілігін міндетті сақтандыру шарты болған кезде жүзеге асыруы;
• туроператор мен турагенттің туристік қызметтер көрсету қауіпсіздігін арттыруға экономикалық мүдделілігі.

Туроператор мен турагенттің азаматтық-құқықтық жауапкершілігін міндетті сақтандыру объектісі - туроператор мен турагенттің туристік өнімді өткізу жөніндегі қызметті жүзеге асыру кезінде туристің мүліктік және (немесе) өзге де мүдделеріне келтірілген зиянды өтеу жөніндегі Қазақстан Республикасының азаматтық заңнамасында белгіленген міндетімен байланысты мүліктік мүддесі.

Сақтандыру сомасының мөлшері

Туроператор мен турагенттің жауапкершілігін міндетті сақтандыру шарты бойынша сақтандыру сомасының мөлшері оның талаптарымен айқындалады және мыналар үшін:

• туроператор үшін шарт жасасу сәтінде төрт мыңнан кем емес және он мың айлық есептік көрсеткіштен аспайды;
• турагент үшін шарт жасасу сәтінде екі мыңнан кем емес және бес мың айлық есептік көрсеткіштен аспайды.

Сақтандыру сыйлықақысының мөлшері

Туроператор мен турагенттің жауапкершілігін міндетті сақтандыру шарты бойынша сақтандыру сыйлықақысының мөлшері тараптардың келісімі бойынша белгіленеді және мыналар үшін:

• туроператор үшін шартта белгіленген сақтандыру сомасының 1 пайызынан кем емес және 2 пайызынан аспайды;
• турагент үшін шартта белгіленген сақтандыру сомасының 1,5 пайызынан кем емес және 2 пайызынан аспайды.

Сақтандыру төлемін айқындау

Сақтандыру төлемінің мөлшерін сақтандырушы туристің талабының сомасына немесе келтірілген зиянды өтеу туралы заңды күшіне енген сот шешіміне сүйене отырып айқындайды.

Шарт бойынша франшиза бір сақтандыру жағдайы бойынша және әрбір пайда алушы бойынша АЕК-тің бес еселенген мөлшерін құрайды. Келтірілген зиянның мөлшері белгіленген франшиза мөлшерінен асқан жағдайларда сақтандыру төлемі толық мөлшерде жүзеге асырылады. Пайда алушының өмірі мен денсаулығына келтірілген зиян үшін сақтандыру төлемі франшиза қолданылмай жүзеге асырылады.

"Туроператордың және турагенттің азаматтық-құқықтық жауапкершілігін міндетті сақтандыру туралы" Қазақстан Республикасының 2003 жылғы 31 желтоқсандағы № 513-II Заңы